馬國明被李施嬅窒 唔敢反擊

馬國明與李施嬅在劇集《新聞女王》中扮演舊情人，馬國明更與何依婷有激情戲，認真好艷福。施嬅透露劇中也有兩段感情，笑言可能做新聞太大壓力，需要減壓。馬國明透劇中與佘詩曼權鬥，由頭鬥到尾，劇中口黑面黑的他，唯獨被「寸嘴Barbie」施嬅窒到不敢反擊。施嬅劇中連阿佘也照鬧可也，她說：「辦公室冇人敢鬧阿佘，我仲要扯住佢件衫、好粗魯咁鬧，都冇做過呢類角色。不過，最難係報新聞，要學新聞腔，有段稿我背咗1個月。（會唔會繼續拍TVB劇？）有好劇本當然會拍，拍咗咁多年戲，都想搵好劇本、對手、監製合作，邊度有好劇本都會去拍。」馬國明笑說：「呢套有施嬅就知係好嘢嚟。」