張衞健偕女出海 老婆唔擔心

被譽為娛圈「模範老公」的張衞健（Dicky）結婚19年，婚後對內地女星太太張茜愛護有加，但近日被拍得現身西貢碼頭，同行還有手抱女童的「神秘女子」往遊船河。昨日他受訪回應，指女子其實是故友錢國偉（Wilson）的太太陳宛蔚（Calinda）：「嗰日係神父叫我哋去坐吓船，我咪叫Calinda帶埋囡囡嚟玩吓，好短船程，神父都喺度，仲叫咗好多圈外朋友，不過佢哋唔得閒啫。」他謂因與Wilson相熟而結識其妻，加上同是教友，希望能伸出援手：「睇吓有咩幫到手囉，有鼓勵佢出返嚟社會做事。」問到可擔心遊船河一事惹太太誤會，他超有信心表示：「乜我會有緋聞咩？梗係唔會啦！太太都知我去船河，雖然佢喺北京，但我乜都會講畀佢知。」