曹永廉諗橋助興 蕭正楠生蛋扑頭回禮

向來搞笑的他們日前拍了一條短片到社交網，見他們於茶檔一碗餐蛋麵兩份吃，邊吃邊傾，阿廉說：「嚟緊嗰個演唱會係咪搞唔成呀？你話畀我聽，我度咗期㗎！唔係我就退番出嚟！」阿蕭即說：「黐線㗎？咩搞唔成呀！賣晒喇啲飛！」之後阿廉突然拿出一疊鈔票係咁數，阿蕭問他為何帶大量現金在身，他竟抵死地謂：「冇呀！諗住入定啲番茄、雞蛋喺演唱會門口賣畀你啲fans，咁佢哋一邊聽你唱歌，一邊掟番茄雞蛋，你話幾熱鬧呢！」阿蕭聽罷即隨手拿出一隻生雞蛋拍落阿廉額前，當場蛋汁四濺！阿廉為幫兄弟宣傳做到咁，認真唔話得呢！