「阿拉丁」睇死《小魚仙》 酸味十足捱批

由美國女歌手Halle Bailey主演的迪士尼真人版《小魚仙》（The Little Mermaid）上映在即，已因主角由白人變黑人配合左翼政治正確風潮，引起不少爭議。迪士尼真人版《阿拉丁》（Aladdin）的埃及男星Mena Massoud前日加把嘴，於社交網站睇死《小魚仙》票房：「我哋套戲（《阿拉丁》）獨特嘅地方係觀眾會入場睇幾次，呢個係唯一令我哋喺得到嗰個開畫數字後，最終全球破10億美元（約78億港元）嘅唯一方法。我估計《小魚仙》過唔到10億美元，但毫無疑問會開拍續集。」