陳星妤清白不保兼捱摑

港姐出身的陳星妤獲王晶睇中，首次在劇集擔大旗，飾演遭後父睇中的學生妹，最終難逃對方魔掌，選擇到夜總會謀生，並先後認識高鈞賢及關楚耀，發展三角關係。她受訪時表示：「最難忘係拍親熱戲，對方可能現實生活中有另一半，搞到我好怕醜。記得第2日開工就要拍畀後父強姦，再拍畀人掌摑，收工前仲要拍多場演繹啤酒女郎辛酸嘅場口。後來喊到筋疲力盡，又唔想阻大家收工，好彩在場前輩畀咗好多鼓勵同意見，只係我冷病咗，第2日頂硬上繼續開工，今次對我嚟講係好好嘅演出經驗。」