陳俞希憂嚇走曖昧對象

藝人陳俞希昨日出席食店開幕禮，表示最愛相約大班朋友到處搵食：「儲咗好多班飯腳，飯腳又會帶啲新朋友嚟，大家慢慢由飯腳變朋友。」問到可有趁機物色心儀對象？她笑言似乎大家都替她着急：「朋友都經常介紹男仔畀我。（睇唔啱？）有結交過，依家都有啲了解中嘅。我好驚呀！一講完畀大家聽，下次出嚟就會問我幾時結婚！（你有偶像包袱？）我驚講太多佢有『偶包』、有壓力呀，我又成日講想生BB。其實我可以遲啲先生嘅，好驚嚇走人呀！（擇偶條件？）冇乜㗎，孝順得啦，哈哈！」