羅毓儀奉旨收兵冼靖峰鬥氣馴服女神

藝人蕭正楠、傅嘉莉、曹永廉、冼靖峰及羅毓儀等，昨日在將軍澳電視城為無綫新劇《神耆小子》試造型。蕭正楠自《破毒強人》後未有開劇，今次在《神》劇與傅嘉莉飾演舊情人，表示暫時看劇本未見有親熱戲份。

蕭正楠突然有個仔

雖然現實生活中與太太黃翠如仍未有小朋友，不過阿蕭今次會首度挑戰爸爸角色，劇中養子更是《聲夢》成員冼靖峰，阿蕭笑說：「試吓囉，咩都要試吓！現實中，生理上都生得佢出嘅，都係挑戰嚟，做個咁大年紀嘅爸爸，同佢相依為命。」而傅嘉莉指今次拍檔同為首次合作，亦期待劇中的父女戲份，曹永廉則演其哥哥，蕭正楠即笑說：「咁你好彩喇！」

至於冼靖峰（Archie）繼《青春本我》後再度拍劇，與羅毓儀由鬥氣冤家變成一對。羅毓儀今次飾演辦公室萬人迷，瘋狂收兵，唯獨未能收服Archie，問到可有親熱戲？Archie說：「劇本仲未寫到，都冇乜話想唔想嘅。」