Tyson Yoshi半裸開騷遭林家謙玩乳頭

近年人氣勁飆的歌手林家謙及Tyson Yoshi昨晚未有參與頒獎禮，其中Tyson前晚聯同台灣饒舌歌手高爾宣、芮德、PIZZALI及Marz23等在西九文化區開騷，期間Tyson撕爛背心騷肌，有粉絲將Bra掟上台，尾段時他更興奮到玩插水。

他笑言粉絲飛Bra上台已變成指定動作：「公司有個箱儲起，至少有10個，女友唔會唔鍾意。」提到之前跟AV女優三上悠亞拍MV，他坦言：「我睇片唔係淨係睇佢，但我抽AV閃卡抽親都係佢。（見到佢會怕醜？）會，搞到我好難入戲，比平時拍MV壓力大好多，亦唔敢加親熱戲。」他稱沒有跟對方交換聯絡，只合照及簽名，能合作已是夢想成真兼成就解鎖。

另外，林家謙前晚到後台探班，他在Tyson胸前用唇膏簽名又用手扭對方乳頭，認真搞鬼。