MIRO招新血 鏡粉狂踩 姜濤初嘗人父滋味 當場縮沙

姜老闆做埋生招牌，擔任模特兒拍攝宣傳照，同場有個小Model，雙方打成一片。姜濤又孭又抱，小男孩則以「頂頭槌」鑽其胸口，非常搞笑，姜濤似乎亦被玩謝，抖大氣笑說：「今日喺活動我先講想快啲生小朋友，我諗依家要收番呢一句，唔使咁早生！我仲話生一男一女，我覺得呢件事唔係好成立。」

另外，MIRROR官方歌迷會「MIRO」成立一周年，昨日公布會籍續期及新入會詳情，結果惹來爭議，「鏡粉」的不滿聲音瘋狂洗版！雖然新會費減價，但最早入會的會員續會費卻竟是最貴，而官方列出11項會員福利，包括預訂MIRROR及個別成員演唱會門票的機會、參加及訂購MIRROR周年活動門票的機會等，被揶揄其中8項會員福利都只是得「機會」，有鏡粉冷嘲熱諷：「會員福利係8個機會？」、「算吧啦，上年做會員，一次都冇抽中過！仲叫人續會？都幾好笑」、「MIRO都係掠水，但畀個機會你咋」、「我上年$440買到0個機會」等。