Phoebus當街撩女仔

組合P13XL成員Phoebus與Marco為港鐵拍短片宣揚環保，負責街訪的Phoebus表現怕醜，不敢邀途人訪問，自嘲「好渣」，最終用合照交換成功訪問：「我怕醜冇咩進步，只係放膽咗，我嘅策略係搵女仔做訪問，因為佢哋健談啲，易啲埋手！」途人問他「被綠」的經驗，他笑言感情上未試過，搞爛Gag指生活上經常「被綠」：「同朋友食飯，我會叫好多菜，大家食唔晒都係我包底。」至於Marco則負責做實驗，鬥長氣測試空氣流動，笑言要扮Cool：「我要唔講嘢先Chok到，一開口就漏晒氣。」