黎諾懿爆「春雞」5位數買閃卡

藝人黎諾懿及吳大強等昨日出席已故影星廖啟智主演的電影《世上只有爸爸好》慈善首映禮。諾懿透露當了父親後變得感性，故擔心入場會淚如雨下：「試過睇運動員退役，或者奧運比賽都爆喊。（成日畀囝囝搞喊？）係，好似近日春雞（大仔）窩心同我講，話幾辛苦都會養我，真係頂唔順。」他指現時5歲的大仔行為早熟：「之前去日本旅行，佢會上網做晒功課（搵資料），帶我哋去買香港冇嘅卡通閃卡。（用咗好多錢？）5位數，不過我以前都儲玩具，覺得呢啲會係佢大咗嘅回憶，同埋係一門生意，多年後絕版增值咗可以賣。其實佢扭蛋扭咗好多重覆嘅卡，依家可以先同朋友仔交換，唔使急住做生意。」