陳家樂出歌自肥

新婚不久的陳家樂昨日出席環保活動，講到生育大計，他坦言期待，但沒有定下時間表。他透露將會出新歌：「由我填詞，仲會拍埋MV。其實幾年前公司問過我出唔出歌，我當時拒絕咗，我唔想行出嚟影響樂壇，因為啲歌手太有才華，不過今次出歌並唔係想同人比較或者爭獎，只係當畀自己一個紀念，係自肥。（太太有冇幫你？）佢幫咗好多，無論揀歌定填詞，佢都畀咗好多意見。（之後再出歌做歌手？）冇咁諗，出呢首歌純粹為感謝一啲人。」