姜濤鍾意氹細路 諗過做老師

姜濤表示很喜歡跟小朋友一齊玩：「我有諗過唔做藝人，會做小學老師，就算係幼稚園都OK。」他在MV中飾演玩具修理員，專門幫小朋友修理壞掉的玩具，他有感而發說：「好多時唔係只有玩具陪佢哋，而係需要一個人陪佢哋玩玩具，我覺得對小朋友需要多啲關心同關懷，我好想做慈善同做義工，我嘅粉絲都經常會做慈善，所以我都想做番啲嘢，做慈善唔止幫到人，仲會令自己開心，可以話係雙贏。」