胡諾言闔家搵銀 老婆擸晒酬勞

藝人胡諾言近日獲邀拍健康飲品廣告，更首度一家五口齊齊搵真銀。廣告昨日推出，湊巧是他與太太陳琪結婚周年紀念，可謂特別有意義。他表示：「之前我喺《隱形戰隊》個角色感覺好似一個壞人，搞到啲細路睇嘅時候都以為我係壞人，其實現實中我係一位好爸爸，所以一直以來都有好多健康產品搵我哋合作。（今次酬勞分5份？）梗係唔係，全部都上繳畀晒太太啦！」