黃紫恩處女「下海」嘩一聲

無綫小花黃紫恩早前到馬來西亞拍節目《野外步出》，不懂游水的她獻出「下海」初體驗，她笑言首次潛水不單沒有害怕，更顯得有點急進：「第一次潛水想睇多啲嘢，所以游得好快，教練不停叫我放慢啲，唔可以游得咁快。」她自爆潛水期間發生烏龍事：「喺水入面第一次見到一大堆魚群，真係嘩咗一聲出嚟，自己唔記得喺水入面，連個呼吸器都整甩，好彩教練眼明手快，即刻執番質番落我個嘴度，哈哈。」