陳蕾挑戰跳舞 一味靠呃

歌手陳蕾在新歌《伸縮自如的愛》MV中大展舞技，自信跳得好過同門的洪嘉豪。她透露今次是主動提出跳舞要求，因為擔任選秀節目《全民造星V》導師後，眼見不少手腳不協調的學員在苦練下都成功跳舞，令她產生有股動力：「呢班人都得，我係咪都可以呢？咪膽粗粗同公司提議，不如我都試吓跳舞！」雖然跳舞部分演出不足一分鐘，但她都學了5、6堂，老師亦讚她跳這種舞跟其個性頗適合，她笑說：「我覺得跳得好，係因為我唔介意其他人點睇我，老師教我無論跳成點，個樣都要畀人覺得你好識跳，所以我都呃得吓人嘅！」