《神探大戰》擬拍續集 劉青雲難跟吳鎮宇合作

英皇電影《神探大戰》於金像獎共奪4項大獎，包括影帝獎項。出爐影帝劉青雲前晚於慶功宴上，被問太太郭藹明未有陪伴在側，會否感可惜？他說：「冇嘅，其實佢一路都有陪住我，我哋搵咗個地方喺附近換衫。」問到可想似楊紫瓊拍荷里活電影挑戰奧斯卡？他說：「冇諗咁遠，拍港產片已經好開心，頭先都有恭喜佢，佢做咗件好amazing嘅事。」對於好友吳鎮宇與金像影帝總是擦身而過，可會將獎項給對方過手癮？他說：「佢係我哋最早攞金馬獎嘅一個，佢出色在可以攞呢樣嘢嚟講笑。同佢合作過好多部戲，佢絕對值得攞，佢係好演員，係個人有啲怪啫，哈哈！（想唔想成班老友一齊拍戲？）有啲困難，角色分配幾麻煩，因為冇人會客氣。」