陳柏宇珍惜獨處 摸黑睇電視

歌手陳柏宇前日於銅鑼灣進行街頭表演，宣傳新歌《一人傍晚藝術館》，吸引逾百粉絲及市民圍觀。他表示新歌題材輕鬆，講述享受獨處時間，育有兩個小朋友的他很珍惜「Me Time」：「通常都係夜晚，我會睇電視、拉筋同餵奶。（同老婆二人世界呢？）我覺得有家庭後唔再需要，最好係將所有時間留畀小朋友，聽朝會帶囡囡參加跳舞表演。」問到女兒有否遺傳其唱歌天分？他說：「佢拍子感唔錯。（會唱你啲歌？）冇喎，佢通常唱卡通片歌。」