孖造型師拍廣告 張敬軒講個信字

歌手張敬軒與合作多年的靚女造型師Constance Lee合體拍廣告，有錢齊齊搵！他飾演乘客，而Constance則負責駕車，並聘請錢家班拖車拍攝。問軒仔是否擔心對方的駕駛技術？他笑說：「當然唔係，如果我揸可能大家仲驚，哈哈！平時佢幫我搵衫、搞造型好妥當，我好信任佢，冇試過出現『造型師整蠱藝人系列』，估唔到佢連上鏡都咁淡定。」去年Constance曾為ViuTV節目《Fashion Killer》任顧問，軒仔也有上節目助陣，瞓身支持戰友。