譚俊彥社交網帳戶被盜兜售周杰倫演唱會飛

騙徒手法層出不窮！視帝譚俊彥於社交網發文透露帳號被盜：「請大家小心，今天突然被人告知我的社交網在向大家兜售演唱會門票，當我登錄時所有訊息已被撤回，已向社交網公司投訴。提醒大家千萬要小心，凡涉及錢財轉帳，不可輕信網絡，如已有損失請立即報案。」

他受訪時表示：「有人同我太太講，話我收錢代買周杰倫內地演唱會飛，當時佢已經畀咗千幾蚊，我哋叫佢報案，同埋記低個入數帳戶，之後我Login社交網，發文同粉絲講唔好上當，點知個Hacker可以同一時間Delete晒我啲留言，好恐怖！跟住有粉絲就同我講，話我叫佢哋過5千蚊畀佢，當然跟咗我十幾廿年嘅粉絲係唔會上當，但安全起見，我都有同社交網公司備定案。」