煮醬汁加酒塞捱批布魯克林反駁更惹味

英國萬人迷前球星碧咸（David Beckham）大仔布魯克林（Brooklyn Beckham）幾年前轉攻拍片教烹飪，不過因為廚藝差而經常被網民留言批評，更因而被封為「地獄廚神」。近日他煮意粉醬汁時就被網民發現「加料」，汁內竟然出現木酒塞！

布魯克林日前於社交網上載孭住新狗仔Peanut煮意粉的照片，照片一出後即有網民留意到鐵鍋內的醬汁竟然出現一個木酒塞！有網民留言：「你個鍋度有個酒塞，仲有狗毛就嚟『加入』。」擺明寸他抱狗煮意粉！亦有網民批評他「虐畜」：「呢個一啲都唔得意，當你煮食時你唔應該孭狗。滾油可能會濺到隻狗塊面而令佢受傷。」事後布魯克林留言解釋「酒塞」是秘方：「進行過好多研究，我哋發現原來喺煮醬汁中添加葡萄酒木塞可令菜式更惹味。」