陳奕迅夜訪展館 掃塵做阿四

Eason到場時表示很久沒有做這類活動，彷佛回到初入行時，之後他坐下來為「塵大館」親手題字，他謂：「希望入嚟嘅朋友都可以攞到好運帶回家啦！我哋做人梗係『係咁咦』最開心。」於是他寫下「係咁咦」三個大字，再高舉給歌迷拍照留念，現場數百人歡呼及跟着他一起大叫「咦」，場面震撼。

Eason隨即講解今次活動構思：「雖然空間有限，時間有限，希望大家一陣入到去，可以感受一吓呢隻歌，領悟到做人『係咁咦』放鬆啲嘅態度。無論係歌及塵大師嘅化身，都係由林海峰為我創造，我要特別多謝佢。」離開時，他應粉絲要求握手及簽名。

另外，前一天Eason率先夜訪「塵大館」，為場館掃塵，又為扭蛋機入蛋及試玩，他更抽到限量的「巨吉」，果然行運一條龍。