昔日東方滑水晒腿添睇頭 余思霆水着放題 被嘲膚淺
前華姐余思霆及金剛主持新一集《請1日假去旅行》，霆霆為了迎接「下水禮」，節目中上演「水着放題」，大晒33C胸器。她先穿上白色比堅尼浸溫泉，再換上運動短褲玩滑水。樣靚身材正的她滑水英姿吸睛，自信十足有型有款，一雙修長美腿令畫面更添睇頭。反觀金剛未出發先喊驚，即使只是坐在橡皮艇上，仍然瘋狂尖叫兼嚇至面容扭曲，與霆霆相映成趣。
突然玩逼供
節目中，兩人到訪台北著名景點大稻埕，單身的霆霆被提議拜月老求姻緣，她卻反叫拍檔祈求「挽回感情」，金剛聞言表示：「對我嚟講過去就過去，好似白紙一張咁咋！」而霆霆被精緻的糕點吸引時，對方再次意有所指：「呢啲咪就係膚淺囉，成日睇靚嘅，你睇我瀨嘢幾多次？嗰啲好靚、好索呀咪瀨嘢囉，你好似都係喎！」並笑言2人同病相憐。之後他們前往特色咖啡店，霆霆突然發問：「你帶過幾多個女仔嚟呢度？」金剛聞言急忙辯稱：「兩個啫！我以前好專情嘅，依家都好專情！」令觀眾笑爆嘴。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
