炎明熹乘數慢慢計 被封「神算Gi」

「聲夢人氣王」炎明熹（Gigi）近日開直播計數，示範計出「19x3」，笑指：「大家畀啲機會我，我係會計到出嚟，我依家計畀大家睇。」她拿出原子筆及筆記簿開始計數，誰知由乘數表逐一背起：「呢條數係好容易計，九三一十八，九一得九，九二一十八，九三廿四……唔係，九三廿八……」一頭霧水的她又再重新計過：「三九廿七，啱唔啱呀？三九廿七，冇計錯呀嘛？大家計數唔好求心急，一求心急就計唔到。」雖然足足計足1分鐘才得出答案57，但她解釋：「老師同我講，心急只係過眼雲煙㗎啫，慢慢地練習先會入到腦……熟能生巧，冇錯啦，計數我諗應該係同樣道理。」網民封她為「神算Gi」。