娛樂

林敏驄開騷 鍾鎮濤跪低 郭柏妍唱Live搣唔甩「魔音」

郭柏妍騷唱功,Keep住「魔音」水準。 郭柏妍騷唱功,Keep住「魔音」水準。
郭柏妍騷唱功,Keep住「魔音」水準。
憑劇集《下流上車族》人氣爆升的林敏驄,前晚舉行作品展演唱會時,繼續發揮口臭本色,寸爆70歲的鍾鎮濤是「正奔七」及不舉,見對方不慎跌倒更笑說為何跪下外,有「魔音芊芊」之稱的郭柏妍即場獻唱兼唱功「維持水準」,林敏驄說:「佢自生自滅啦!」
為不少金曲填詞的林敏驄前晚在西九舉行作品展演唱會,並邀得太極、曾比特、露雲娜、雷安娜及鍾鎮濤等擔任嘉賓,而和他合演《下》劇的江美儀、郭柏妍及羅毓儀等也捧場支持。向來以口臭見稱的林敏驄繼續把口唔收,林敏驄見到曾比特,他戴上爆炸頭假髮自封「邱比特」,自言找不到關淑怡的他,介紹湯寶如出場時說:「想搵寶麗金3小花,黎瑞恩係生意人,心廣體胖出唔到?,劉小慧又要睇住蘇志威,真係睇少眼都唔得!」至於壓軸登場、已70歲的鍾鎮濤(阿B)被林敏驄寸:「你奔7喎。」阿B答:「我係正7,啱啱70歲,都保養得幾好,做Gym都仲舉得起。」其後又被對方玩食字笑他不舉。期間阿B不慎跌倒,林敏驄笑說:「我企喺呢度,你做乜去嗰邊跪?」
自生自滅
期間林敏驄跟江美儀、郭柏妍及羅毓儀等合唱《一家人》,有「魔音芊芊」之稱的郭柏妍更挑戰唱《跳舞街》,但唱功依然「保持水準」,被文凱婷及鍾柔美負責的跳唱版比下去。
騷後林敏驄受訪時被問到40年有何得着,他說:「好幸運,寫咗咁多好歌,求其攞一隻出嚟都影響深遠,係我最大嘅成就及驕傲。寫第2隻歌《忘不了你》都已經覺得夠,點知仲有咁多百首喺後面。(版稅食到依家?)哈哈!嗰啲好少嘢啫。(郭柏妍唱成點?)佢自生自滅啦。(訓練佢做歌手?)呢啲嘢冇得勉強。」至於在台上跌倒的阿B則說:「我隻腳傷咗,仲帶住護膝,只係拗親啫,唔係好嚴重。」
林敏驄開騷,獲「家人」及一眾歌手支持。林敏驄開騷,獲「家人」及一眾歌手支持。
林敏驄開騷,獲「家人」及一眾歌手支持。
鍾鎮濤跌倒跪在台上,林敏驄竟笑說:「你做乜去嗰邊跪?」鍾鎮濤跌倒跪在台上,林敏驄竟笑說:「你做乜去嗰邊跪?」
鍾鎮濤跌倒跪在台上,林敏驄竟笑說:「你做乜去嗰邊跪?」
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500