李幸倪騷前節食餓到腳軟

歌手李幸倪（Gin Lee）與女星周家怡昨日穿上Bra Top現身馬場活動，當中Gin Lee跳唱歌曲《Dum Dum》、《IDK》及《喘息空間》，贏盡掌聲！她表示對上一次連續跳唱3首歌已是2018年演唱會，不過今次的舞蹈節拍更強勁：「對我嚟講係個新挑戰，中途跳到腳軟，可能食唔夠嘢，因為擔心食太多個肚會脹，下次會食多少少。」完成表演後，她放下心頭大石，可以輕鬆食大餐：「呢幾日練舞搞到腰痠骨痛，希望有時間去揼骨放鬆。」

難得來到馬場，她趁機投注測試運氣，問有否橫財命？她說：「試過求其講幾個號碼畀朋友，真係中獎，但因為太大壓力，之後朋友再問我已經冇講。」