蕭正楠遇上翠如最開心

蕭正楠日前接受電台訪問時，重提當年在頒獎禮上講錯一句「邪不能勝正」，被指針對麥浚龍後，事業受挫被迫北漂多年，他承認：「因公司競爭激烈有雄心，有啲沖昏頭腦，嗰句說話係觸發點，但我清楚係無意傷害人，再解釋都冇意思，追唔番轉頭。」他謂北上拍劇後回港簽無綫由低做起，全因為陪伴母親，而他人生最開心是遇上太太黃翠如：「開始時對佢有好感，唱咗《師奶Madam》嘅主題曲《I'll Always Be Yours》，覺得歌詞好似佢，大家好似Click着咗某啲嘢就開始（拍拖）。」