李芷晴何沛珈「肉帛相見」

節目尾聲，她們換上泳裝互訴心聲，感觸至紅了眼眶，何沛珈哽咽：「我哋由《香港小姐再競選》……我都入咗行兩年，未試過同一個女仔咁Close。」聽到眼濕濕的李芷晴則說：「可能大家好大壓力，都覺得競爭對手喎，點做朋友呀？有時我都諗你會唔會唔鍾意我呢？」因是次行程成為好友的她們，日前在網上開Live與網民互動，何沛珈更大爆2人會「肉帛相見」，果然老友。