炎明熹守護自尊堅拒愛得卑微

「聲夢人氣王」炎明熹（Gigi）推出新歌《大開眼界》，對於零愛情經歷下唱出愛情中虐心感覺，她歸功於填詞人：「佢有同我講，講完我明白少少道理，睇完成個故事，認為唔可以太過卑微，唔可以一味去付出，因為只要嗰個人鍾意你嘅話，係唔會要你咁樣做。」在白色情人節推出慘情歌，她覺得相當適合：「因為愛情入面除咗有sweet嘅moment，亦都有令人痛心時刻。」

保持清醒不會執着

在Gigi幻想中的愛情世界裏，要是能與初戀情人同偕白首實屬難得，但也絕不會委屈自己：「曾想像到將來若果遇上自己好愛、好愛嘅人時，都會願意為佢作出妥協修改底線，不過如果佢要我一再更改底線，咁就係時候反省，要想清楚對方係咪真係鍾意自己。」同時自認是個清醒之人，認為人生除愛情外還有其他，所以不妨放開胸懷，擴闊視野：「可能都係好事，唔會畀任何事物框住自己。」

問到她可期待戀愛？Gigi謂依然抱佛系心態，坦言不抗拒，因為可以體驗不同情緒，亦為人生加添新故事，但就不心急拍拖，因她相信：「佢嚟就接住佢，佢唔嚟都冇所謂。」