男友阿Mo打氣 So Ching獨唱有驚喜

迅速收拾心情的Winka，隨後獨唱多首歌收復失地。狀態甚佳的So Ching亦獨唱多首歌曲，包括《小心地滑》、《我地》及《窮人的薔薇》，獨當一面。完騷後，粉絲不願離開，2人走上台表示：「我哋真係冇Encore㗎！」之後清唱了一段COLLAR歌曲《Call My Name！》，並透露組合似有意舉行演唱會，歌迷才願意離開。

Winka受訪時直認表現失準，自我評分只得60分：「開始喊啦，又發台瘟，《狂人日記》可以唱得再好啲，太過緊張。第一首歌望到細佬對眼，再望到So Ching就頂唔順，落台即刻胃痛。」至於表現令人眼前一亮的So Ching，謙虛地只給自己50分，透露男友李啟言（阿Mo）知道她開騷，更作出鼓勵：「佢話加油，你一定得嘅。（阿Mo康復進展如何？）同代禱信所講差唔多，一步一步慢慢習慣緊治療，要畀時間佢。（請咗看護可以分擔吓？）了解中，唔係咁容易請到。要教啲看護、工人，要好多時間令佢哋熟習，我先安心交畀佢哋。」問到若COLLAR舉行演唱會，各成員是否已準備好？Winka說：「阿Wing（經理人）講㗎！幾時就唔知，年底唔知得唔得呢？」