中風一周年自白 驗出先天心臟缺陷 Hailey做手術「封窿」

加拿大天王Justin Bieber的美國模特兒妻子Hailey Bieber大前日中風一周年，透過社交網講述中風經過，她指入院前感到右臂有種古怪感覺，以及手指頭麻痹。老公Justin不斷問她有否不妥，但她右邊面下垂，無法說話，更因非常緊張而令情況更為惡化，幸好被送到急症室時，她已差不多回復正常。

醫生檢查後發現她有先天心臟缺陷，她說：「冇諗到我輕度中風後，診斷到有卵圓孔未閉（Patent Foramen Ovale、簡稱PFO），已經過咗一年。因為係呢個改變人生事件嘅一周年，我想分享我所有認識嘅PFO資訊，同埋分享捐款方式。」

她解釋PFO是最常見的先天心臟缺陷，左右心房未如正常人般隔開，她其後動手術關閉心房的孔洞，她說：「我最大嘅感受係，能夠知道發生咩事令我鬆一口氣，我哋成功關閉番個窿，我可以放低呢個咁恐怖嘅經歷，繼續生活落去。」

重拾健康的Hailey，上載度假時在海邊穿上比堅尼的靚相，大晒傲人身材，留言：「我準備好迎接夏天啦！」