阿部寬心郁拍港產喜劇

獲頒「卓越亞洲電影人大獎」及最佳衣着獎的日本影帝阿部寬、日本著名導演是枝裕和及韓星池昌旭等均有來港出席盛會。其中阿部寬大讚曾合作電影《東京攻略》的梁朝偉很優秀，也欣賞過對方很多作品，問到可想再參演香港電影？阿部寬說：「想，都想有唔同經驗，但唔知咩類型電影適合我，喜劇、笑片都好，但香港電影節奏好快，唔知自己可唔可以跟得上。」現正忙於與日本男星堺雅人拍攝劇集《VIVANT》的他，對於被指二人開工時零交流，阿部寬笑說：「有人咁寫咩？其實場戲喺窄巷拍，又要講對白，我盡量想集中一下，其實我哋喺現場好多嘢講嘅。」