Jer樂做心靈雞湯帶MIRROR頌缽治療

人氣男團MIRROR成員柳應廷（Jer），早前推出本年度首支Solo歌《從零開始的新世界》，藉此分享愛與快樂的感覺，他更首次參與作曲，與The Hertz成員Herman僅花了2小時便將旋律寫好。他表示要將內心想法表達出來，由自己寫便最直接，笑言是一次成就解鎖，又預告下首歌同樣出自他的手筆，會走Band Sound風格。

Jer熱愛電影，並從中發掘靈感：「新歌就係喺《阿凡達》攞靈感，為咗喺MV呈現個感覺，我喺化妝方面畀咗好多意見，感激有一班好Crazy嘅製作團隊，用一星期就打造出有《愛麗絲夢遊仙境》、《獅子王》感覺嘅布景。（係你製作費最高嘅作品？）Top 3啦！最高紀錄係《人類群星閃耀時》。」由於欣賞米高積遜帶着一群小朋友唱歌的感覺，他特地在MV安排一幕與小朋友共舞，笑言相處沒想像中困難。

做自己唔怕醜

談到隊友Anson Kong有意專注拍劇，Jer說：「音樂係我主線，但都好開心可以喺金像獎提名新演員，我鍾意睇戲同演戲，相信自己兼顧到，可能我比較貪玩。」外界視他為隊中的「心靈雞湯」，早前被捕捉到一直逗姜濤開心而被讚窩心，對此，他直言這行壓力很大，希望為大家消除壓力及煩惱，期望找個地方帶隊友一起接受頌缽治療：「由《全民造星》開始，有啲隊友被框住咗，好想令大家知道其實我哋有好多方面，既然係真人騷出身，做番自己最開心。（邊個最叻做自己？）我覺得係我同Edan，大家睇我哋平時個醜樣表情就知，哈哈！」又開玩笑表示若他朝能替大家做心靈治療，收入應該會相當不俗。