魏浚笙偷偷變「髮」密冚新造型

藝人魏浚笙（Jeffrey）繼演出英皇電影《超神經械劫案》後，近日再有機會在影壇發展，接演的新片已低調投入拍攝，他將應付大量「體力勞動」場面，事前要接受相關訓練。

為了配合角色造型，Jeffrey透露已經「落髮」：「未至於Skinhead，但頭髮真係比較短。平時大家睇唔出我換咗髮型，原因係我搵咗髮型師，每次出嚟公開活動就駁髮。每次駁髮都要花個半至兩個鐘左右，視乎嗰日髮型師快唔快手。」由於造型暫時要保密，他直言很期待電影上映時，觀眾對其新形象的評價。