李彩華引小鮮肉埋身 心痛女友重提屈辱 方力申全力陪伴療傷

方力申（小方）、李彩華（Rain）及馬德鐘前晚現身慈善酒會，小方早前認愛韓國邪教領袖性侵受害人葉萱（Maple），並力撐女友，表示願意陪伴到韓國出庭作證，他在活動上表示仍然保持想陪女友赴韓的意願，但要先與對方的家人溝通，並尊重他們的決定，暫時未有新安排。

Maple在記錄片中提及在韓國被跟蹤，小方指在香港暫時未有此情況發生，至於邪教一事，他表示不知道有關部門有否介入事件。提到Maple前男友「A先生」日前在韓國出庭，問到是否知道對方的存在？小方說：「第一日出嚟交代時已經講得好清楚，我知嘅嘢畀你哋知嘅多好多、好多、好多。第一日識佢，佢已經好詳細咁講晒畀我知，好感激佢咁信任我，亦係咁先由朋友開始發展。（如果再披露更多，會心痛？）當然會，身邊好多朋友支持我。（需要學心理輔導協助女友？）我都係走暖男路線，應付到。」

至於久未露面的Rain表示拍畢《家族榮耀》後，就在內地工作了一年多，期間受疫情影響，連好友結婚亦未能到賀，感到十分可惜，幸好今次回港前去了多個國家旅遊充電：「仲未夠喉，想再去，但有工作，惟有Plan住先。（《家》劇會開續集喎！）我都好想延續劇入面嘅角色。」感情方面，她直言身邊不乏小鮮肉追求：「都有好多係細過我，有啲相差十幾年。（接受到？）以前接受唔到細過我超過1年，依家15年都OK，佢OK我咪OK囉！」並指現時仍在了解選擇中，準備帶追求者見朋友：「佢約我出嚟食飯，我會叫埋啲兄弟姊妹一齊出嚟過目，睇吓言行舉止各方面正唔正常。」

而約滿邵氏的馬德鐘，強調與無綫關係依然友好，本月底會投入新劇《非常檢控觀》的拍攝，與吳偉豪、陳煒、賴慰玲及一班新演員合作，他特別點名讚吳偉豪：「進步同上位都好快，我覺得佢係演得好。」他指現時屬自由身，想趁機嘗試不同範疇，稍後將投放較多時間北上工作。