泳兒踩入廚房學斬雞

歌手泳兒為港台節目《社企係咁Run》擔任嘉賓，應邀到一間由本地殘障人士主理的社企餐廳，跟員工學習炮製新加坡食品，更獻出第一次斬海南雞。曾移居新加坡的她表示最想念海南雞飯和叻沙，又指殘障員工的鼓勵很窩心：「人哋係咁樣指導佢哋，佢哋就照用同一方式指導我，好有傳承嘅感覺。開初以為佢哋會好怕醜、驚陌生人，原來佢哋都好熱情。一般人會以憐憫嘅眼光去看待身體有殘缺嘅人，以為捐錢係最直接幫佢哋嘅方法，其實一啲鼓勵性嘅幫助、製造多啲機會畀佢哋先係最重要。」