喜與《金宵》班底再合作蘇皓兒拍檔患病愈吻愈擔心

蘇皓兒離開無綫後首度拍劇，除再遇《金宵大廈》幕後班底外，劇中更福利滿滿，與吳肇軒有多場接吻戲，但她笑指心情糾結，因拍檔近來生病，擔心接吻時被傳染。

藝人蘇皓兒、柯煒林、談善言、衛詩雅、吳肇軒等昨日出席ViuTV新劇《Food Buddies》開鏡拜神儀式，劇中蘇皓兒與吳肇軒有感情線，亦有多場吻戲，她笑言內心十分糾結：「我哋多Kiss戲，但最近佢病咗，今日又要Kiss佢，我不停問佢好番未，哈哈。」她指今次能再度與《金宵大廈2》製作班底合作，加上劇情比較輕鬆，兼且能跟電影界前輩學嘢，故感到十分高興。

而早前因腳傷而要暫停拍攝《打天下2》的談善言，表示傷勢仍未完全康復：「8月左右先開始補拍，因要等隻腳好番同其他演員都要就到期，依家行到路，不過某啲動作要就住，試過有次爭啲整親，結果醫生提醒我唔好咁激動。」

柯煒林捱摑

至於柯煒林笑指自己完全符合角色性格：「口快快講錯嘢得罪人，不過我內心係善良㗎！」劇中要給拍檔談善言大巴掌摑的他，笑指幸好順利一Take過，免卻皮肉之苦。同時忙於拍攝另一新劇《冰上火花》的他，被問到會否不夠時間休息？他表示還可以：「大家一齊拍好開心，不過要就溜冰場收工先可以拍，所以一定要拍通宵。」