余香凝金像戰衣要過老公關

女星余香凝與袁澧林昨日出席《第四十七屆香港國際電影節》記者會，談到下月的金像獎，同樣有份爭獎的她們笑指尚未揀定戰衣，當中角逐「最佳女配角」的余香凝表示，戰衣會先讓老公過目：「到時一齊行紅地氈，呢個係入行以嚟夢寐以求想做嘅，覺得好Sweet！（帶埋個女一家人行？）佢仲細，希望下年仲有呢個機會。」以短褲黑絲晒腿的袁澧林問鼎影后，揚言會努力戒甜着靚衫，但笑說：「飲多幾日珍珠奶茶先戒！」

至於男團MIRROR隊長Lokman主演的《命案》成為開幕電影，席上播放花絮片段，眼神令人不寒而慄，他說：「之前第一次喺柏林睇，都發現原來可以去到咁盡。（出年可能有提名？）我冇得提名新人獎。（影帝呢？）如果有得提名已經好叻！」