好友送禮定驚 容祖兒出埠遇劫 被扑車窗搶手袋

容祖兒早前重新啟動《Pretty Crazy演唱會世界巡迴演唱會》，完成馬來西亞、大西洋城，拉斯維加斯及溫哥華、多倫多等地共8場演出，昨日抵達新加坡再唱2場，緊接會去澳門舉行8場《Eternity演唱會》，下半年則轉戰澳洲。整個巡演之旅，祖兒最難忘在美加被搶手袋。當日她偕工作人員在機場附近的食肆打算醫肚後再登機，一行人返回保母車時，發現座駕車窗損毀，據一直在車上等候的司機稱，當時突然有人擊碎車窗，搶去車上價值數萬元的手袋後就逃之夭夭。

祖兒憶述事件：「司機嚟唔切落車喝罵打爛車窗嗰個人，個賊仔就走咗！（唔見咗乜嘢？）個新手袋係我好朋友畀嘅，裏面有證件、少少現金，好在Passport我帶喺身，冇咗香港身份證都可以上機返港，否則就慘啦！」令她感安慰的是，好友得知此事後，即送上同款手袋作補償：「我好感動，大家都話最緊要人冇事，所以前排喺巴黎落倫敦，我哋坐火車時都好緊張啲行李。」

講到英法之旅，她覺得行程相當愉快，除了有機會跟好友蔡卓妍（阿Sa）Shopping及享受美食外，又跟填詞人黃偉文及作曲人翁瑋盈在英國見面。至於美加行，她亦有抽時間睇騷，向國際巨星取經，她說：「喺多倫多睇咗BLACK PINK演唱會，又喺LA睇咗8萬人嘅The Weeknd演唱會，我坐喺下面望上去觀眾席，覺得人群係坐喺天際一樣，吸收到經驗同埋有新領悟。」她又在加拿大擔任兩間著名大學的廣東歌唱歌比賽頒獎嘉賓，見證明日之星的誕生。