Adele賭城開騷為新婚Fans贈興

英國天后Adele近期繼續在拉斯維加斯舉行駐場騷，日前一對Fans於當地舉行婚禮後趕去捧場，Adele看見他們大為驚喜，即時在新娘子的婚紗上簽名，絕對是結婚大禮！

事後新娘子在社交網上載片段，見Adele問他們是否剛完婚，並送上恭賀，新娘子留言稱是老公的意思：「我嘅人生好圓滿，搵到我一生嘅最愛之外，呢個男人亦決定搵Adele喺我哋嘅大日子唱歌……7年之後我哋美夢成真。多謝Adele為我哋創造人生中難忘嘅回憶。」Adele亦有上載與一對新人的合照，還拖住新娘子的手，勁Sweet！