落實4．23終極一戰 《中年》收視超越《愛．回家》 吳大強叫阿仔檢討

《中年好聲音》前晚舉行商場活動，現場率先首播由12強參賽者合唱的歌曲《不再猶豫》MV，除了12位參加者外，主持車婉婉亦有撐場，眾人大受粉絲歡迎。節目將於4月23日播出最後一集，並會作現場直播。

提到節目成為上周收視之冠，參賽者吳大強對於節目收視超越兒子吳偉豪參演的處境劇《愛．回家之開心速遞》感開心，又開玩笑叫兒子檢討是否有問題，其後不失風度表示：「其實收視唔係差太遠，隨時可以爬番頭。佢個劇集長做長有，咁多年都咁高收視好難得，一次半次畀其他節目威吓可接受。」問到三甲是否其囊中物？他謙稱：「我唔會想咁遠，最重要係唱好歌同大家互相支持。」而上集成全晚最高分的參賽者支嚳儀指每集有不同主題，即使上集最高分，下一集亦可能會打回原形，她認為名次不重要，最緊要是全力以赴。另一參賽者曹敏寶直言各選手實力旗鼓相當，並封吳大強為偶像。

車婉婉受訪時被問到三甲心水，她坦言好難揀：「佢哋嘅水平唔係差好遠，要睇臨場發揮、歌揀得啱唔啱同當時狀態。」問到哪位參賽者表現最穩定？她點名吳大強：「佢每個回合都好少犯技術上錯誤，其實個比賽係好密集，唔好話老人家，連後生仔都未必頂得住，所以佢令我留下好深印象。」對於有指《中年》收視佳，計劃搞第二季而擱置《聲夢傳奇3》，婉婉表示若有第二季，希望可繼續當主持，但其他就交由監製公布。