邵氏爆離巢潮馬德鐘張兆輝輪住走

邵氏近日爆離巢潮，繼傳李施嬅低調完約後，張兆輝和馬德鐘亦相繼離開，而資深藝人黃淑儀、關菊英、河國榮和楊玉梅亦將尋求新發展。張兆輝約滿後，與拍檔自組製作公司，主力拍綜藝節目、短視頻及支持新導演投資拍戲，亦會發展AI市場。

至於跟邵氏合作3年的馬德鐘，昨日受訪時承認今年初約滿：「咁大個人，自己想掌握自己嘢，想試新嘢，DJ、舞台劇或者幕後都想做，可以按時間同心情做自己最開心嘅嘢係最滿足，唔使有公司束縛。」又指跟邵氏合作愉快，稍後將拍無綫劇《非常檢控觀》（暫名），未來會中港兩邊走，又指內地有助手安排工作。