晒婚照報喜 提親友接「炸彈」 家樂Shiga擇好日 4．24行禮

家樂與Shiga昨日透過經理人公司對外發放於香港拍攝的婚照，一對準新人的打扮與東京影婚照時相若，背向青馬大橋撐枱腳營造浪漫氣氛。家樂與未婚妻日前曾表示待發喜帖時，再對外公布確實婚期，昨日他於社交平台不忘提醒好友們準備收「炸彈」，據知屆時一對新人將於尖沙咀Rosewood酒店宴請親朋好友，分享新婚喜悅。

家樂於自己的社交平台搞笑寫道：「成日被追問婚期，終於等到影好婚照、有靚靚邀請卡，能夠正式公布嘞……未來陳太真係好叻，大如酒席、過大禮，細如老爺奶奶着咩衫都搞得掂！」Shiga則冧爆回道：「要找到個喜歡陪我數星星、睇動漫嘅人唔容易，但係我找到啦，陳生辛苦啦。」她更將自己與未來老公的英文名串連成「shilos」，寓意往後人生路上彼此一條心。

他們的大喜日子是長輩們特意找師傅幫忙揀選的，祈願兩人百年好合，永結同心。談到在港拍攝的婚照，家樂透露：「其實婚紗相有幾個地點嘅，其中一個係我哋剛剛開始拍拖，曾經去過嘅一個沙灘，對我哋嚟講特別有紀念價值，今次再到沙灘一齊睇日落、數星星，重溫我哋嘅種種浪漫。」婚照中Shiga左手無名指上的閃爍鑽戒，相當吸睛。提到幫忙操刀拍婚紗照的合作單位，家樂感恩說：「佢哋全部都係陪住我哋成長嘅，包括攝影師係我同學，造型師係Shiga嘅好姊妹，整個化妝、髮型團隊足足有20多人，陣容強大，佢哋超級幫忙，影相當日有種預演婚禮嘅感覺，好感動呀。」

另外，家樂與Shiga日前到東京拍婚照之餘，更四出觀光。由於準新郎早前一直忙開工，今次有機會出埠自然想多留數天，故返港日期曾一改再改，但據知家樂主演的英皇電影《海關戰線》將於下周二於影視展內舉行記者會，他落實歸隊出席，親身向傳媒報喜。