首次睇女友剖白被性侵紀錄片 方力申直認衝擊大 感情更鞏固

藝人方力申昨日在香港仔出席慈善跑活動，同場有蘇皓兒及顧定軒，問到為何未有偕女友參加，他說：「唔好喇，工作還工作，佢又唔係圈內人，呢排咁多事。」問到女友有否因他公開支持而感動，他說：「都有，自己都鬆口氣，知道要見大家，早幾日仲寫低要講咩，前一晚播出咗（女友）個訪問，我都係第一次睇，雖然內容我知道，但對我嘅衝擊都好大。睇完見面傾偈，發覺個感覺更加鞏固，所以尋日做訪問都冇咩講唔到，因為係事實，亦好了解佢同件事，亦冇嘢要避忌。佢睇咗我個訪問，睇comment永遠唔好受，我叫佢唔好睇，唔睇就唔會唔開心。」

另外，昨日有不少網民力批無綫娛樂新聞台主持賴彥妤，指她訪問方力申時竟問：「有冇諗過情侶檔接job？」當時方力申看她一眼後說：「應該唔會，佢唔係圈內人。」網民狂批她的提問是「唔用腦」，亦不尊重受害者，更指她亂問已非首次！

Maple在韓國宗教醜聞紀錄片中透露，17歲時在銅鑼灣被攝理教人士「抄牌」，當時她因家庭問題及在學校被欺凌而失落，對方開解並傳道，更游說她到韓國，她逐漸被洗腦包括能親近鄭明析等於得主寵愛、女信徒是「主的新娘」要奉獻給教主，而貌美的女信徒被封為「Star」並會收到內衣褲等，要拍性感照給他「選妃」之用。她表示在2018年開始被鄭明析性侵，首次共睡時被對方以手「塞入體內」，當時她雖害怕茫然，但怕下地獄而不敢張聲，情緒低落得曾自殘，她本想逃跑，但臨走前再被召喚及性侵，她把性侵過程錄音，向執法部門提供證據，去年更在韓國開記者會揭露真相，出席前曾被跟蹤及被「警告」不要公開事件。