邀兒媳巴黎睇騷 Victoria主動出擊 粉碎不和傳聞

除了布魯克林夫婦之外，碧咸三子告斯（Cruz）和妹妹夏柏（Harper）都有現身，唯獨次子羅密歐（Romeo）缺席，而以成熟打扮示人、現年11歲夏柏被傳媒指成長不少！事後Victoria於社交網貼合照，並留言：「冇咗你哋（家人）我唔可以做到，我太愛你哋。從巴黎送吻（我哋掛住你#羅密歐！）」照片曝光後，一眾「花生友」紛紛留言，其中有網民讚「碧咸嫂」：「做得好，Victoria邀請埋新抱嚟，盡顯你仁慈同優雅。無論點都好，最緊要家人齊整。」而一眾名人紅星包括Victoria好友「靚太」伊娃朗歌麗亞（Eva Longoria）都有到來捧場。

另外，美國女模Emily Ratajkowski前日亦有現身時裝周，她半裸上陣，僅以一朵巨型青綠色的火鶴花（又名紅掌）造型遮胸，夠晒騎呢！她的出現，即時搶去一眾嘉賓包括韓國女團TWICE師妹組合NMIXX及韓國男子組合NCT成員Taeyong等的風頭。至於有「國際范」之稱的內地女星范冰冰，亦連續第2日現身時裝周，前日她以「甩毛Look」出席一品牌時裝騷，並與《Vogue》主編安娜溫圖爾（Anna Wintour）並肩而坐，盡顯地位！同場還有「星女郎」內地女星黃聖依。此外，憑炫富真人騷《璀璨帝國紐約篇》（Bling Empire:New York）而走紅的港產名媛Tina Leung（梁伊妮），日前以超性感打扮拋胸睇騷。