打破沉默為蔡天鳳難過城城全天候陪伴帶方媛出關散心

影帝郭富城前晚出席新片首映，對於太太方媛因閨蜜蔡天鳳遇害而心情悲痛，他終打破沉默，指事件震驚又難過。為安撫太太情緒，他工作以外的時間全天候陪伴在側。

郭富城、林家棟及任達華孭飛的新片《斷網》前晚舉行首映，城城在台上對戲中女兒照顧有加，盡顯慈父一面，令在旁的家棟不禁笑指「難受」。

城城太太方媛與肢解案受害者蔡天鳳屬多年閨蜜，事發後方媛一直閉關，至上月26日才首度在社交網發聲，言語間盡是痛心好友遭遇，至前晚終踏出家門，捧城城新片場兼散心。而連日來保持沉默的城城亦開腔：「當然要啲時間啦！多謝關心。（同蔡小姐好熟？）朋友囉！呢件係好震驚同難過嘅事，但我唔想講太多。太太依家嘅心情係人之常情，所以今日我有帶佢出嚟支持呢部電影，呢段時間我做完嘢都陪住佢。」

與孔劉惺惺相惜

今次是他與家棟自《寒戰》後相隔11年再合作，城城說：「好多對手戲，一開始就鬥智鬥力。（對票房有信心？）演員要做嘅嘢都做晒，冇壓力。」家棟則多次強調不太熟悉網絡科技，正正與角色相反：「我哋呢啲文青，平日睇劇本、睇片同聽音樂多，更加唔會上網識朋友，我冇幾多錢畀人呃嘛！」但他亦曾接獲「無厘頭電話」：「對方打我電話話係表哥，我問佢有冇搵我阿哥，佢話有，我話『佢依家喺差館喎！快啲搵佢啦！』佢回咗連串粗口就收線。」

城城早前在韓國出席活動時與「男神」孔劉同場，2人惺惺相惜，他笑說：「佢話高中已經睇我嘅電影，我就同佢講我有睇《屍殺列車》，佢真係好高大。（會唔會合作？）睇緣分啦！」而家棟早前出席柏林影展，但僅逗留60小時：「完全冇時間參觀，亦冇食過豬手，淨係買咗幾條德國腸返嚟招呼吓朋友。」

此外，網上流傳多張方媛的陳年寫真照，見她樣子青澀，拍攝時不吝嗇驕人身材。