Jena揭瘡疤拍《飢餓遊戲》遭性侵

38歲美國女星Jena Malone，前日上載2014年於法國拍畢《飢餓遊戲終極篇：自由幻夢2》（The Hunger Games: Mockingjay-Part 2）時在郊區拍攝的照片，自爆拍戲期間被性侵：「巴黎呢段時間對我嚟講好艱難，我經歷咗一個好傷嘅分手，亦被一個同我工作嘅人性侵。」她未有報警，而是採用「修復式正義」與犯人安排會面，探討對方如何可以彌補過錯：「我好努力去治療，透過『修復式正義』學習點同侵犯我嘅人和好，以及同自己和好。」

有網民批評為何犯人可以沒有後果，她回應：「唔係咁，我用『修復式正義』去容許療傷、問責同等對方可以成長，呢個係艱難嘅過程，但我相信佢真係幫到我度過最悲傷時刻。」Jena又在另一回應表示不想公開犯人的名字，以免對方被「取消文化」波及，因對方已向她贖罪，她不認為司法制度可以完全讓她療傷。