昔日東方心急獻螢幕初吻 趙慧珊有人追 諗定生夠3個
前女子組合Super Girls隊長趙慧珊（Aka）簽了新經理人公司，獲安排連串工作大計，其中將參演一個關於愛情的舞台劇，她笑言入行以來拍戲甚少談情說愛：「有次同伍允龍做情侶，但講我畀人綁架，佢救我，見到面時我已經死咗。我都好期待拍愛情戲，我嘅螢幕初吻都仲喺度，點解仲喺度？哈哈！」
Aka表示暫未知舞台劇是否有親熱戲，但她並不介意：「OK嘅，都咁大個，依家呢個世代，如果劇情需要，激烈啲或者少少裸露我都覺得正常嘅。」單身多年的她大方承認有追求者，對拍拖結婚持開放態度，她說：「我老啦，都憧憬㗎！依家有追求者了解中，佢係圈外人。」談到舊隊友Jessica已結婚生女，她直言羨慕，自己亦想生夠3個：「希望夠時間畀我生。（依家興雪卵？）我想㗎，有搵過資料，要好多條件配合，淨係早瞓呢樣已經比較難做到。萬一冇，我可以領養，都係一件好事。」
計劃再開展覽
除了舞台劇，愛畫畫的她曾經開畫展，今年她也想在藝術方面多作嘗試，計劃與一些藝術家、品牌合作搞3個不同的展覽，目前她又忙於為HOY TV拍攝新的飲食節目，她笑說：「好開心呀，我好為食，已經重咗5磅，會去勻全港100間最好嘅餐廳食嘢同介紹。我發覺食嘢品味提升咗，知道乜嘢先係好食。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
