劉浩龍錄音被要求剝光豬

藝人劉浩龍（師兄）日前接受無綫娛樂新聞台節目《StarTalk》訪問，與主播許文軒大談相隔5年推出個人單曲《沒人坐的梳化》的感受。師兄開設工作室趁勢推出新歌，他透露邀得好友側田寫歌，是有次去對方家中時即興作曲，又指側田要求他錄音時除衫：「佢話除晒衫錄音好Feel啲，我心諗如果我唔係同佢好好朋友，都應該幾驚！我畀佢講多兩講，就除鞋、除襪、除褲，除淨底衫同孖煙囪錄音，唱咗兩Take佢就話收貨！」他續指有感側田比之前有所成長，連對女友的態度也不同，問到他會否也想拍拖？他表示很享受單身生活。