劉倩婷憶亡友眼濕濕

慧妍雅集主席劉倩婷昨日出席記者會，宣布將舉行慈善晚會，談到因疫情停辦3年，她預計今次復辦可籌得數百萬元善款。對於慘被碎屍的蔡天鳳，身為閨蜜的她眼濕濕說：「其實今日唔想講太多，只係希望佢成家人健康平安，我諗呢件事唔係短時間內可以接受。（最懷念佢啲乜？）太多喇！今次慈善晚宴，佢都有幫我手搵贊助，如果佢仲在生，當晚應該會出席，佢係一個大慈善家。」她續指與蔡天鳳丈夫保持聯絡，稍後才知閨蜜的出殯日期。